🌷హ్రీంకార మహాయజ్ఞ లఘు పూజ🌷
శవశక్త్యాత్మకమైన 'హ్రీం' మంత్రాక్షరాలన్నింటికి తలమానికమైనది. హ్రీం అమ్మవారి యొక్క శక్తి బీజం, పరమేశ్వరికి అత్యంత ప్రియమైన బీజమిది. జగత్ అంతయూ ఆమె హిరణ్య గర్భంలో ఇమిడినట్లే, తంత్ర మంత్రం సూక్ష్మాలన్నీ హ్రీం బీజంలోనే ఉన్నాయి. ఇది త్రిపుటలకు అధిష్టానం. అండ పిండ బ్రహ్మాండాలకి ఆశ్రయం.
లలితా త్రిశతి నామాలు, పంచదశి మంత్రాన్ని ఆశ్రయించి చెప్పబడినవి. ఈ పంచదశి మంత్రం పరాశక్తి యొక్క విశిష్ట రూపం. ఈ పంచదశి మంత్రం మూడు ఖండాలుగా ఉంది.
మొదటిదైన వాగ్భవ ఖండములోని 5 బీజాలలో చివరి బీజం హ్రీం. రెండవదైన కామరాజ ఖండములోని ఆరు బీజాలలో చివరి బీజం హ్రీం. మూడవదైన శక్తి ఖండములోని నాలుగు బీజాలలో చివరి బీజం హ్రీం. అక్షరానికి 20 నామాల చొప్పున పంచదశి మంత్రంలోని 15 అక్షరాలకు మొత్తం 300 నామాలు చెప్పబడినవి. అవే లలితా త్రిశతి ।
త్రిశతి నామాలకి పంచదశి మహా మంత్రానికి (శ్రీవిద్య) అవినాభావ సంబంధం ఉంది. హ్రీంకారం పంచదశి మంత్రానికి హృదయంగా భావించే బీజం. జీవన గమనం సమస్యలు లేకుండా నడుచుటకు అందరి హృదయాలలో ఆకాశ దీపశిఖవలె విరాజిల్లుటకు పరాశక్తి బ్రహ్మ స్వరూపిణి హ్రీం బీజం ఎంతో అవసరం.
హ్రీంకార మహాయజ్ఞాన్ని ఎవరికి వారు, వారి వారి గృహాలలో లఘు పద్దతిలో పూజ చేసుకునేందుకు దిగువన ఉన్న వివరాలు ఇవ్వటమైనది.
🌷పూజా పద్ధతి 🌷
ఆరుద్ర, స్వాతి, శతభిషం నక్షత్రాల రోజులలో మధ్యాహ్నసమయం లోపలే పూర్తి చేసుకోవాలి. ఒకరి గురించి మరొకరు కూడా ఆచరించవచ్చును. సంకల్పం ముఖ్యము. పుణ్య స్త్రీలు, వైదవ్య స్త్రీలు, బాలలు, అవివాహితులు, వృద్దులు, పురుషులు (భార్యా వియోగులు కూడా) ఎవరైనను ఆచరించవచ్చును. పురుడు లేక మరణ అశౌచము వున్నవారు ఆచరించవద్దు. ఆరవ మాసం ప్రారంభమైన గర్భిణులు వద్దు. విదేశాలలో వున్న వారి కొరకు ఇక్కడ వారు ఆచరించవచ్చు. అన్ని మాసాలలో మాసాలలో ఎన్నిసార్లైననూ ఆచరించవచ్చు.
గృహంలోని ఈశాన్య భాగంలో కానీ లేక ఏ ఇతర భాగంలో కానీ మీరు తూర్పు దిశగా చూసేలా పూజను చేసుకోండి.
ఓ పీట వుంచి దానిపై బియ్యాన్ని పోసి, గుండ్రంగా లేక చదరంగా లేక దీర్ఘ చతురశ్రంగా నెరపండి. బియ్యంపైన త్రిభుజం, 16 బిందువులతో ఉన్న నలుచదర తెలుపు వస్త్రాన్ని పరవండి.
దీపారాధన చేసుకోండి. పూజ పుష్పాలు మీకు నచ్చినవి.
తిథి, వార, నక్షత్రాలతో పాటుగా గోత్ర నామాలతో సంకల్పం చెప్పుకొని పసుపుతో చేసిన గణపతిని తమలపాకులలో ఉంచి ప్రార్ధించండి. ఇక్కడే ప్రధానంగా గమనించాల్సింది.
ఈ రోజైతే ఆచరిస్తారో ఆనాటి తిధిని గుర్తించండి. ఆ తిథి దేవత ఎవరో... సంఖ్య ఏమిటో గమనించి... ఆ సంఖ్య బిందువుపైనే గణపతిని ఉంచండి.
తిధులు, దేవతల పేర్లు, సంఖ్య వివరాలు కూడా దిగువన ఇవ్వబడినవి. పూజ ప్రారంభించే సమయానికి ఏ తిది ఉంటే ఆ తిది ద్ ఆ దేవత పైనే పసుపు గణపతిని ఉంచాలి.
గణపతికి ధూప, దీపాలను ఇవ్వండి. నైవేద్యంగా బెల్లాన్ని నివేదించండి. అవకాశం ఉన్నవారు గణపతి పూజను పూర్తిగా ఆచరించవచ్చు.
గణపతి పూజ అనంతరం, గణపతికి ఉద్వాసన చెప్పి పూజ పీటకు ఈశాన్య భాగంలో ఉంచండి.
.................................................. .
శుక్ల పాడ్యమి, అమావాస్య తిధులకు దేవత - కామేశ్వరి, సంఖ్య 1
శుక్ల విదియ, బ.చతుర్దశి తిధులకు దేవత - భాగమాలిని , సంఖ్య 2
శుక్ల తదియ, బ.త్రయోదశి తిధులకు దేవత - నిత్యక్లిన్నా, సంఖ్య 3
శుక్ల చవితి, బ.ద్వాదశి తిధులకు దేవత - భేరుండ, సంఖ్య 4
శుక్ల పంచమి, బ.ఏకాదశి తిధులకు దేవత - వహ్నివాసిని , సంఖ్య 5
శుక్ల షష్టి, బ.దశమి తిధులకు దేవత - మహావజ్రేశ్వరి , సంఖ్య 6
శుక్ల సప్తమి, బ.నవమి తిధులకు దేవత - శివదూతి, సంఖ్య 7
శుక్ల అష్టమి, బ.అష్టమి తిధులకు దేవత - త్వరిత, సంఖ్య 8
శుక్ల నవమి, బ.సప్తమి తిధులకు దేవత - కులసుందరి, సంఖ్య 9
శుక్ల దశమి, బ.షష్టి తిధులకు దేవత - నిత్య , సంఖ్య 10
శుక్ల ఏకాదశి, బ.పంచమి తిధులకు దేవత - నీలపతాక, సంఖ్య 11
శుక్ల ద్వాదశి , బ.చవితి తిధులకు దేవత - విజయ, సంఖ్య 12
శుక్ల త్రయోదశి , బ.తదియ తిధులకు దేవత - సర్వమంగళ , సంఖ్య 13
శుక్ల చతుర్దశి , బ.విదియ తిధులకు దేవత - జ్వాలామాలిని , సంఖ్య 14
పూర్ణిమ, బ.పాడ్యమి తిధులకు దేవత - విచిత్ర, సంఖ్య 15
గణపతి పూజ తదుపరి
◆ధ్యానం
శ్లో. హ్రీంకారాసన గర్భితానలశిఖాం సౌః క్లీం కళాం బిభ్రతీమ్
సౌవర్ణామ్భర ధారిణీం వరసుధాధౌతాం త్రినేత్రోజ్జ్వలాం
వందే పుస్తక పాశమంకుశధరాం స్రగ్భూషితా ముజ్జ్వలాం
త్వాం గౌరీం త్రిపురాం పరాత్పర కళాం శ్రీచక్రసంచారిణీమ్
🌷లమిత్యాది పంచపూజ🌷
లం పృధ్వీతత్వాత్మికాయై శ్రీ లలితా త్రిపుర సుందరి సౌందర్య గంధం పరికల్పయామి
(హ్రీం బీజాక్షరంపై గంధం ఉంచండి)
హం ఆకాశతత్త్వాత్మికాయై శ్రీ లలితా త్రిపుర సుందరి పుష్పం పరికల్పయామి
(హ్రీం బీజాక్షరంపై పుష్పం ఉంచండి)
యం వాయుతత్త్వాత్మికాయై శ్రీ లలితా త్రిపుర సుందరి ఆశాజనక ధూపం పరికల్పయామి
(హ్రీం బీజానికి ధూపాన్ని చూపండి)
రం వహ్నితత్వాత్మికాయై శ్రీ లలితా త్రిపుర సుందరి ప్రకాశం దీపం పరికల్పయామి
(హ్రీం బీజానికి దీపాన్ని చూపండి)
వం అమృతతత్వాత్మికాయై శ్రీ లలితా త్రిపుర సుందరి అమృతనైవేద్యం పరికల్పయామి
(హ్రీం బీజానికి కొద్ది తేనెను నివేదించండి)
సం సర్వతత్త్వాత్మికాయై శ్రీ లలితా త్రిపుర సుందరి తామ్బూలాది సర్వోపచారాన్ పరికల్పయామి
(హ్రీం బీజానికి తాంబూల సమర్పణ)
ఆపై దిగువ చెప్పినట్లు వస్త్రానికి నలువైపులా ఉన్న సంఖ్యల వద్ద దిగువ నామాలను పఠిస్తూ కుంకుమ, నెయితో కలిపిన అక్షతలను ఉంచండి.
1వ సంఖ్య వద్ద ఓం అనంగకుసుమాయై అంటూ అక్షతలను ఉంచండి
2వ సంఖ్య వద్ద ఓం అనంగమేఖలాయై అంటూ అక్షతలను ఉంచండి
3వ సంఖ్య వద్ద ఓం అనంగమదనాయై అంటూ అక్షతలను ఉంచండి
4వ సంఖ్య వద్ద ఓం అనంగమదనాతురాయై అక్షతలను ఉంచండి
5వ సంఖ్య వద్ద అనంగరేఖాయై ఓ అంటూ అక్షతలను ఉంచండి
6వ సంఖ్య వద్ద ఓం అనంగవేగిన్యై అంటూ అక్షతలను ఉంచండి
7వ సంఖ్య వద్ద ఓం అనంగాంకుశాయై ఉంది అంటూ అక్షతలను ఉంచండి
8వ సంఖ్య వద్ద ఓం అనంగమాలిన్యై అంటూ అక్షతలను ఉంచండి
తదుపరి కలశాన్నిగంధ, కుంకుమలతో అలంకరించుకోండి. (రాగి, వెండి, స్టీలు ఏదైనా పరవాలేదు ) హ్రీం బీజంపై కలశాన్ని ఉంచండి. మంచి నీటిని కలశంలో పోయింది. 2 యాలకులను కలశములో వేయాలి. కలశంలో 5 మామిడాకులు లేక 5 తమలపాకులు ఉంచి, దానిపై కొబ్బరికాయ ఉంచాలి.
🌷ఇక షోడశోపచారాలతో పూజను ప్రారంభించాలి.
ఉపచార పూజలలోని అన్ని శ్లోకాలను చదవలేని వారు ఓం శ్రీమాత్రే అని భక్తితో ధ్యానించండి.
◆ధ్యానం
శ్లో. అరుణాం కరుణాతరంగితాక్షీం ధృతపాశాంకుశ పుష్పబాణ చాపామ్
అణిమాదిభిరావృతాం మయూఖై రహమిత్యేవ విభావయే భవానీమ్
(ఈ శ్లోకము శ్రీ లలితా సహస్రనామ స్తోత్రంలోని ధ్యాన శ్లోకాలలో రెండవది. ఓ పుష్పాన్ని తీసుకొని పై శ్లోకం చదువుతూ భక్తితో... పుష్పాన్ని కలశం ముందు ఉంచండి. )
◆ఆవాహనం
(ఓ పుష్పాన్ని తీసుకొని శ్రీ లలితా సహస్రనామ స్తోత్రంలోని 169 వ శ్లోకం
సవ్యాపసవ్య మార్గస్థా, సర్వాపద్వి నివారిణీ ।
స్వస్థా, స్వభావమధురా, ధీరా, ధీర సమర్చితా
భక్తితో చదువుతూ ....
ఆవాహనం సమర్పయామి... అని చెప్పి పుష్పాన్ని కలశం ముందు ఉంచండి. )
◆సింహాసనం
(ఓ పుష్పాన్ని తీసుకొని శ్రీ లలితా సహస్రనామ స్తోత్రంలోని 170 వ శ్లోకం భక్తితో చదువుతూ ....
చైతన్యార్ఘ్య సమారాధ్యా, చైతన్య కుసుమప్రియా ।
సదోదితా, సదాతుష్టా, తరుణాదిత్య పాటలా
సింహాసనం సమర్పయామి... అని చెప్పి పుష్పాన్ని కలశం ముందు ఉంచండి. )
◆పాద్యం
(ఉద్దరిణతో లేక తమలపాకుతో నీరు తీసుకొని శ్రీ లలితా సహస్రనామ స్తోత్రంలోని
171 వ శ్లోకం భక్తితో చదువుతూ ....
దక్షిణా, దక్షిణారాధ్యా, దరస్మేర ముఖాంబుజా ।
కౌళినీ కేవలా,ఽనర్ఘ్యా కైవల్య పదదాయినీ
పాద్యం సమర్పయామి... అని చెప్పి నీటిని కలశం మీద ఉన్న కొబ్బరికాయపై వేయండి. )
◆అర్ఘ్యం
(ఉద్దరిణతో లేక తమలపాకుతో నీరు తీసుకొని శ్రీ లలితా సహస్రనామ స్తోత్రంలోని
172 వ శ్లోకం భక్తితో చదువుతూ ....
స్తోత్రప్రియా, స్తుతిమతీ, శ్రుతిసంస్తుత వైభవా ।
మనస్వినీ, మానవతీ, మహేశీ, మంగళాకృతిః ౹౹
అర్ఘ్యం సమర్పయామి... అని చెప్పి నీటిని కలశం మీద ఉన్న కొబ్బరికాయపై వేయండి. )
◆ఆచమనం
(ఉద్దరిణతో లేక తమలపాకుతో నీరు తీసుకొని శ్రీ లలితా సహస్రనామ స్తోత్రంలోని
173 వ శ్లోకం భక్తితో చదువుతూ ....
విశ్వమాతా, జగద్ధాత్రీ, విశాలాక్షీ, విరాగిణీ।
ప్రగల్భా, పరమోదారా, పరామోదా, మనోమయీ
ఆచమనం సమర్పయామి... అని చెప్పి నీటిని కలశం మీద ఉన్న కొబ్బరికాయపై వేయండి. )
◆శుద్ధోదక స్నానం
(ఉద్దరిణతో లేక తమలపాకుతో నీరు తీసుకొని శ్రీ లలితా సహస్రనామ స్తోత్రంలోని
174 వ శ్లోకం భక్తితో చదువుతూ ....
వ్యోమకేశీ, విమానస్థా, వజ్రిణీ, వామకేశ్వరీ ।
పంచయజ్ఞప్రియా, పంచప్రేత మంచాధిశాయినీ ॥
శుద్ధోదక స్నానం సమర్పయామి... అని చెప్పి నీటిని కలశం మీద ఉన్న కొబ్బరికాయపై వేయండి.)
◆వస్త్రం
(ఓ పుష్పాన్ని తీసుకొని శ్రీ లలితా సహస్రనామ స్తోత్రంలోని 175 వ శ్లోకం భక్తితో చదువుతూ ....
పంచమీ, పంచభూతేశీ, పంచ సంఖ్యోపచారిణీ ।
శాశ్వతీ, శాశ్వతైశ్వర్యా, శర్మదా, శంభుమోహినీ
వస్త్రం సమర్పయామి, వస్త్రార్ధం పుష్పం సమర్పయామి ...
అని చెప్పి పుష్పాన్ని కలశం ముందు ఉంచండి. )
◆ఆభరణం
(ఓ పుష్పాన్ని తీసుకొని శ్రీ లలితా సహస్రనామ స్తోత్రంలోని 176 వ శ్లోకం భక్తితో చదువుతూ ....
ధరా, ధరసుతా, ధన్యా, ధర్మిణీ, ధర్మవర్ధినీ ।
లోకాతీతా, గుణాతీతా, సర్వాతీతా, శమాత్మికా
ఆభరణం సమర్పయామి, ఆభరణార్ధం పుష్పం సమర్పయామి ...
అని చెప్పి పుష్పాన్ని కలశం ముందు ఉంచండి. )
◆శ్రీ గంధం లేక కుంకుమ
(శ్రీ గంధం లేక కుంకుమ తీసుకొని శ్రీ లలితా సహస్రనామ స్తోత్రం
177 వ శ్లోకం భక్తితో చదువుతూ ....
బంధూక కుసుమ ప్రఖ్యా, బాలా, లీలావినోదినీ ।
సుమంగళీ, సుఖకరీ, సువేషాడ్యా, సువాసినీ
శ్రీ గంధం / కుంకుమ విలేపనం సమర్పయామి... అని చెప్పి గంధాన్ని లేక కుంకుమను కలశం మీదున్న కొబ్బరి కాయపై ఉంచండి. )
🌷అక్షంతల తో ఇప్పుడు ఇలా శ్రీదేవి ఖడ్గమాలలోని 181 నామాలను పఠిస్తూ అక్షతలను కొబ్బరికాయపై ఉంచండి.
దేవి ఖడ్గమాల లోప్రతి నామానికి ముందు ఓం హ్రీం అని జోడించండి.
★ఉదాహరణ 1వ నామం - ఓం హ్రీం త్రిపురసుందర్యై...
.
.
ఖడ్గమాల నామాలు పూర్తి ఐయ్యాక నమస్తే నమస్తే నమస్తే అంటూ అక్షతలు వేయండి.
లలితా త్రిశతిలోని అరవై హ్రీంకార నామాలలో దిగువన ఉన్న 54 నామాలను అనులోమ విలోమ పద్దతిలో (పైనుంచి దిగువకు, దిగువ నుంచి పైకి) జపిస్తూ అక్షతలను భక్తితో కొబ్బరికాయపై ఉంచండి.
1. ఓం హ్రీంకారరూపాయై
2. ఓం హ్రీంకారనిలయాయై
3. ఓం హ్రీంప్రదప్రియాయై
4. ఓం హ్రీంకారబీజాయై
5. ఓం హ్రీంకారమన్త్రాయై
6. ఓం హ్రీంకారలక్షణాయై
7. ఓం హ్రీంజపసుప్రీతాయై
8. ఓం హ్రీంమ్మత్యై
9. ఓం హ్రీంవిభూషణాయై
10. ఓం హ్రీంశీలాయై
11. ఓం హ్రీంపదారాధ్యాయై
12 . ఓం హ్రీంగర్భాయై
13 . ఓం హ్రీంపదాభిదాయై
14 . ఓం హ్రీంకారవాచ్యాయై
15 . ఓం హ్రీంకారపూజ్యాయై
16 . ఓం హ్రీంకారపీఠికాయై
17 . ఓం హ్రీంకారవేద్యాయై
18 . ఓం హ్రీంశిఖామణయే
19 . ఓం హ్రీంకారకుణ్డగ్నిశిఖాయై
20 . ఓం హ్రీంకారశశిచన్ద్రికాయై
21 ఓం హ్రీంకారభాస్కరరుచ్యై
22 . ఓం హ్రీంకారాంభోదచంచలాయై
23 ఓం హ్రీంకారకన్దాంకురికాయై
24 ఓం హ్రీంకారైకపరాయణాయై
25 . ఓం హ్రీంకారదీర్ఘికాహంస్త్యే
26 . ఓం హ్రీంకారోద్యానకేకిన్యై
27 . ఓం హ్రీంకారారణ్యహరిణ్యై
28 . ఓం హ్రీంకారావాలవల్లర్యై
29 . ఓం హ్రీంకారపంజరశుక్త్యై
30 . ఓం హ్రీంకారాగణదీపికాయై
31 ఓం హ్రీంకారకన్దరాసింహ్యై
32 . ఓం హ్రీంకారాంబుజభృంగికాయై
33 ఓం హ్రీంకారసుమనోమాధ్వ్యై
34 . ఓం హ్రీంకారతరుమంజర్యై
35 . ఓం హ్రీంకారమూర్తయే
36 . ఓం హ్రీంకారశౌధశృంగకపోతికాయై
37 . ఓం హ్రీంకారదుగ్ధాభద్ధిసుధాయై
38 . ఓం హ్రీంకారకమలేన్దిరాయై
39 . ఓం హ్రీంకారమణిదీపార్చిషే
40 ఓం హ్రీంకారతరుశారికాయై
41 . ఓం హ్రీంకారపేటకమణయే
42 ఓం హ్రీంకారాదర్శబిమ్బికాయై
43 . ఓం హ్రీంకారకోశాశిలతాయై
44 ఓం హ్రీంకారాస్థాననర్తక్త్యే
45 . ఓం హ్రీంకారశుక్తికాముక్తామణయే
46 . ఓం హ్రీంకారబోధితాయై
47 . ఓం హ్రీంకార మయసౌవర్ణస్తంభ విద్రుమ పుత్రికాయై
48 . ఓం హ్రీంకారవేదోపనిషదే
49 . ఓం హ్రీంకారాధ్వరదక్షిణాయై
50 ఓం హ్రీంకారనన్దనారామనవ కల్పకవల్లర్యై
51 ఓం హ్రీంకార హిమవద్గంగాయై
52 ఓం హ్రీంకారార్ణవకౌస్తుభాయై
53 ఓం హ్రీంకారమన్త్రసర్వస్వాయై
54 ఓం హ్రీంకారపరసౌఖ్యదాయై
తదుపరి పై 54 నామాలను కింది నుంచి పైకి మరో మారు జపించండి.
తదుపరి మీకిష్టమైన 21 పుష్పాలతో దేవి సప్తశతి దిగువన తెల్పిన శ్లోకాలలో ఒక్కొక్క శ్లోకాన్నిభక్తితో పఠిస్తూ ఒక్కో పుష్పాన్ని విశ్వాసంతో కొబ్బరికాయపై ఉంచండి. )
1. ఓం యా దేవీ సర్వభూతేషు విష్ణుమాయేతి శబ్దితా
నమస్తస్యై నమస్తస్యై నమస్తస్యై నమో నమః
2. ఓం యా దేవీ సర్వభూతేషు చేతనేత్యభిధీయతే
నమస్తస్యై నమస్తస్యై నమస్తస్యై నమో నమః
3. ఓం యా దేవీ సర్ భూతేషు బుద్ధిరూపేణ సంస్థితా
నమస్తస్యై నమస్తస్యై నమస్తస్యై నమో నమః
4. ఓం యా దేవీ సర్వభూతేషు నిద్రారూపేణ సంస్థితానమస్తస్యై నమస్తస్యై నమస్తస్యై నమో నమః
5. ఓం యా దేవీ సర్వభూతేషు క్షుధారూపేణ సంస్థితానమస్తస్యై నమస్తస్యై నమస్తస్యై నమో నమః
6. ఓం యా దేవీ సర్వభూతేషు ఛాయారూపేణ సంస్థితానమస్తస్యై నమస్తస్యై నమస్తస్యై నమో నమః
7. ఓం యా దేవీ సర్వభూతేషు శక్తిరూపేణ సంస్థితానమస్తస్యై నమస్తస్యై నమస్తస్యై నమో నమః
8. ఓం యా దేవీ సర్వభూతేషు తృష్ణారూపేణ సంస్థితానమస్తస్యై నమస్తస్యై నమస్తస్యై నమో నమః
9. ఓం యా దేవీ సర్వభూతేషు క్షాన్తిరూపేణ సంస్థితానమస్తస్యై నమస్తస్యై నమస్తస్యై నమో నమః
10. ఓం యా దేవీ సర్వభూతేషు జాతిరూపేణ సంస్థితానమస్తస్యై నమస్తస్యై నమస్తస్యై నమో నమః
11. ఓం యా దేవీ సర్వభూతేషు లజ్జారూపేణ సంస్థితానమస్తస్యై నమస్తస్యై నమస్తస్యై నమో నమః
12. ఓం యా దేవీ సర్వభూతేషు శాన్తిరూపేణ సంస్థితానమస్తస్యై నమస్తస్యై నమస్తస్యై నమో నమః
13. ఓం యా దేవీ సర్వభూతే శ్రద్దారూపేణ సంస్థితానమస్తస్యై నమస్తస్యై నమస్తస్యై నమో నమః
14. ఓం యా దేవీ సర్వభూతేషు కాన్తిరూపేణ సంస్థితానమస్తస్యై నమస్తస్యై నమస్తస్యై నమో నమః
15. ఓం యా దేవీ సర్వభూతేషు లక్ష్మీరూపేణ సంస్థితానమస్తస్యై నమస్తస్యై నమస్తస్యై నమో నమః
16. ఓం యా దేవీ సర్వభూతేషు వృత్తిరూపేణ సంస్థితానమస్తస్యై నమస్తస్యై నమస్తస్యై నమో నమః
17. ఓం యా దేవీ సర్వభూతే స్మృతిరూపేణ సంస్థితానమస్తస్యై నమస్తస్యై నమస్తస్యై నమో నమః
18. ఓం యా దేవీ సర్వభూతేషు దయారూపేణ సంస్థితానమస్తస్యై నమస్తస్యై నమస్తస్యై నమో నమః
19. ఓం యా దేవీ సర్వభూతేషు తుష్టిరూపేణ సంస్థితానమస్తస్యై నమస్తస్యై నమస్తస్యై నమో నమః
20. ఓం యా దేవీ సర్వభూతేషు మాతృరూపేణ సంస్థితానమస్తస్యై నమస్తస్యై నమస్తస్యై నమో దృష్టి
21. ఓం యా దేవీ సర్వభూతేషు భ్రాన్తిరూపేణ సంస్థితా
నమస్తస్యై నమస్తస్యై నమస్తస్యై నమో నమః
◆ధూపం
( శ్రీ లలితా సహస్రనామ స్తోత్రంలోని 178 వ శ్లోకం భక్తితో చదువుతూ ....
సువాసిన్యర్చనప్రీతా, శోభనా, శుద్ధ మానసా ।
బిందు తర్పణ సంతుష్టా, పూర్వజా, త్రిపురాంబికా
ధూపమాఘ్రాపయామి... అని చెప్పి అగరుబత్తీలను చూపండి. )
◆దీపం
(శ్రీ లలితా సహస్రనామ స్తోత్రంలోని 179 వ శ్లోకం భక్తితో చదువుతూ ....
దశముద్రా సమారాధ్యా, త్రిపురా శ్రీవశంకరీ ।
జ్ఞానముద్రా, జ్ఞానగమ్యా, జ్ఞానజ్ఞేయ స్వరూపిణీ ॥
దశముద్రలు తెలిస్తే చేయండి లేదంటే నమస్కారం చేసుకోండి
దీపం దర్శయామి, దూప దీపానంతరం ఆచమనీయం సమర్పయామి ... అని చెప్పి తమలపాకుతో నీటిని చల్లండి )
◆నైవేద్యం
(శ్రీ లలితా సహస్రనామ స్తోత్రంలోని 180 వ శ్లోకం భక్తితో చదువుతూ ....
యోనిముద్రా, త్రిఖండేశీ, త్రిగుణాంబా, త్రికోణగా ।
అనఘాద్భుత చారిత్రా, వాంఛితార్థ ప్రదాయినీ
(యోని ముద్ర, త్రికండ ,దేను ముద్రలు తెలిస్తే ముద్ర వేసి అమ్మవారికి నమస్కారం చేయండి రాకుంటే మంత్రంతో నమస్కారం చేసుకోండి)
నైవేద్యం సమర్పయామి... అని చెప్పి మీరు చేసిన ఏదేని తీపి నైవేద్యాన్ని ఇతర ఫలాలు గాని, కొబ్బరికాయ మొదలైన వాటిని నివేదించండి. )
◆తాంబూలం
(శ్రీ లలితా సహస్రనామ స్తోత్రంలోని 181 వ శ్లోకం భక్తితో చదువుతూ ....
అభ్యాసాతి శయజ్ఞాతా, షడధ్వాతీత రూపిణీ ।
అవ్యాజ కరుణామూర్తి, రజ్ఞానధ్వాంత దీపికా
తాంబూలం సమర్పయామి... అని చెప్పి తాంబూలాన్ని కలశం ముందు ఉంచండి. )
◆నీరాజనం
(శ్రీ లలితా సహస్రనామ స్తోత్రంలోని 182 వ శ్లోకం భక్తితో చదువుతూ ....
ఆబాలగోప విదితా, సర్వానుల్లంఘ్య శాసనా ।
శ్రీ చక్రరాజనిలయా, శ్రీమత్త్రిపుర సుందరీ
దివ్య మంగళ నీరాజనం సమర్పయామి... అని చెప్పి కర్పూర హారతిని ఇవ్వండి. )
◆మంత్రపుష్పం
(శ్రీ లలితా సహస్రనామ స్తోత్రంలోని 183 వ శ్లోకంలోని మొదటి లైన్ చూడండి.
" ఓం శ్రీ శివా శివశక్త్యైకరూపిణీ లలితాంబికా " అనే పంక్తిని భక్తితో చదువుతూ ....
పుష్పాన్ని తీసుకొని దివ్య మంత్ర పుష్పం సమర్పయామి...
అని చెప్పి పుష్పాన్ని కలశం ముందు ఉంచండి. )
👉చివరగా సకల సమస్యల నుంచి గట్టెక్కుతూ ఈ జీవన గమనం సాఫీగా సాగిపోవాలని మనసార భక్తి, విశ్వాసం, నిర్మలత్వంతో ఆత్మప్రదక్షిణ చేయండి. చిన్నపాటి తప్పులేమైనా ఉంటే క్షమించమని తల్లిని వేడుకోండి. పూజ కార్యక్రమం పూర్తైన తదుపరి తీర్థం, ప్రసాదాలు స్వీకరించండి. పూజ పూర్తి అయిన తర్వాత కలశాన్ని ఉద్వాసన చెప్పే విధంగా కుడి చేతితో స్వల్పంగా కదపండి. రెండవ రోజున కలశంపైనున్న కొబ్బరికాయను కొట్టి ప్రసాదంగా స్వీకరించండి. హ్రీం వస్త్రాన్ని తదుపరి పూజ కోసం భద్రపరచండి. వస్త్రం కింద ఉన్న బియ్యాన్ని మీ ఆహార అవసరాలకై వినియోగించండి.
🌷🙏శ్రీ మాత్రే నమః🙏🌷
👇ఇక్కడ చిత్రంలో చూపించిన విధంగా యంత్రం గీసుకోవాలి
పీటపై బియ్యం పరిచి పూజ చేసే వ్యక్తి వైపు చదరపు వస్త్ర దిగువ కోణం ఉండేలా వస్త్రాన్ని పరవాలి. ఆ వస్త్రంలో హ్రీం బీజంతో ముందుగా తిది నిత్య దేవతలు సంఖ్యల తో ఇలా తెల్లటి వస్త్రం పైన ఏర్పాటు చేసుకోవాలి...